IniciosociedadeA aula forestal Os Trollos quere ser un referente no impulso de...

A aula forestal Os Trollos quere ser un referente no impulso de frondosas e nos aproveitamentos non madeireiros

O director xeral de Planificación e Ordenación Forestal, José Luis Chan, visitou este martes -acompañado do alcalde de Bóveda, José Manuel Arias, e do xefe territorial do Servizo de Montes de Lugo, Miguel Cela- a aula forestal Os Trollos, xestionada pola Consellería do Medio Rural.

Publicado o

POR
Redacción
- Advertisement -

José Luis Chan sinalou que a Xunta busca converter a aula forestal Os Trollos nun referente á hora de impulsar as frondosas autóctonas e os aproveitamentos non madeireiros, na provincia de Lugo en xeral e na Ribeira Sacra en particular.

Unha vez se aproben os plans estratéxicos das frondosas autóctonas e dos soutos de castiñeiro e da castaña, no marco dos obxectivos fixados no Plan Forestal de Galicia 2021-2040, definiranse liñas concretas de traballo coa aula forestal Os Trollos, tanto orientadas á divulgación como á formación. Nesa dirección, tamén se incidirá no fomento das potencialidades que ofrecen os aproveitamentos non madeireiros, sobre todo os cogomelos.

Na visita, o director xeral tamén adiantou a redacción dun proxecto para a recuperación do material de alto valor xenético existente na superficie do viveiro e para a mellora das instalacións, que contan con 30 hectáreas concibidas para a realización de actividades de educación e divulgación dirixidas ao público en xeral, pero especialmente á xente nova.

Plan Forestal 

No marco da 1ª revisión do Plan Forestal de Galicia “Cara á neutralidade carbónica”, a Xunta comprométese ao incremento das masas de frondosas caducifolias, para que a superficie total ocupada por este tipo de especies acade as 425.000 hectáreas no ano 2040.

No caso do castiñeiro, prevese aprobar un plan estratéxico para a promoción dos soutos e da castaña. Nese senso, tamén se proxecta a recuperación de ata 8.000 ha de soutos tradicionais en produción mediante medidas de rehabilitación deica o ano 2040, a creación doutras 8.000 hectáreas de novas superficies de soutos para a produción principal de castaña e, por último, outras 8.000 ha de novos soutos para a produción de madeira.

ÚLTIMAS

Afra Blanco: “A Feira do Viño de Quiroga é a primeira festa de Galicia que eu descubrín”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...