HomesociedadeTres anos e medio de cárcere por agredir sexualmente a unha menor...

Tres anos e medio de cárcere por agredir sexualmente a unha menor embarazada

Os feitos remóntanse a marzo de 2011 no partido xudicial de Monforte de Lemos.

Publicado o

- Advertisement -

A sección segunda da Audiencia Provincial de Lugo condenou a tres anos e medio de prisión ao acusado de agredir sexualmente a unha menor, en marzo de 2011, cando a vítima tiña 14 anos e estaba embarazada de cinco meses. Tamén se lle impuxo ao acusado o pago dunha indemnización de 6.000 euros.

Segundo a sentenza, os feitos sucederon no interior do vehículo do sospeitoso, quen se ofreceu a levar a vítima ao lugar do monte no que cortaban leña o seu fillo e o noivo da moza.
O tribunal considera probado que o acusado se desviou durante o traxecto para deter o coche nun camiño estreito e ofrecerlle á menor 50 euros a cambio de manter relacións sexuais con el, ao tempo que lle tocou os peitos e tentou bicala. A vítima conseguiu saír do coche, pero o sospeitoso alcanzouna e volveuna arrastrar cara ao interior, onde lle rompeu a camiseta e continuou coa agresión sexual.

Durante a loita, o procesado propinoulle unha puñada no abdome e aos poucos días, o 30 de marzo, a vítima tivo un aborto; pero o tribunal indica na resolución que é “medicamente imposible determinar a causa” e polo tanto establecer relación entre a puñada e o posterior aborto.

Accede aquí á información publicada a comezos de decembro, antes de iniciarse o xuizo.

ÚLTIMAS

Doc Magoo’s: 25 anos de Rock and Roll

A banda de rocanrol Doc Magoo's percorreu un longo camiño desde os seus inicios...

Este 7 de xullo péchase a zona de xogos do Parque da Compañía

A primeira hora da mañá deste luns, 7 de xullo, procederase á realización de...

A campaña ‘Merca no teu comercio’ chega á Comarca de Quiroga

'Merca no teu comercio' chega aos concellos de Quiroga, Ribas de Sil e Folgoso...

Extinguido o incendio de Monforte que afectou a Seoane e San Xiao de Tor

A Consellería do Medio Rural deu por extinguido un incendio no municipio de Monforte...