A Federación Española de Bebidas Espirituosas (FEBE) e o Ministerio de Sanidade poñen en marcha a campaña “Menores nin unha gota” que está englobada no proxecto “Cidades en Rede Menores nin unha gota” do que se fai partícipe o Concello de Monforte e do cal forman parte xa máis de 400 cidades.

Con esta iniciativa preténdese concienciar e tomar medidas de prevención sobre o consumo de alcol por parte dos menores de idade.

No marco deste proxecto vanse realizar actividades de información e prevención dirixidas tanto a menores como ás familias e así dotalas de ferramentas cunha guía informativa  para enfrontarse a un posible consumo precoz de bebidas alcólicas por parte dos fillos.