Unha muller resultou ferida este domingo nun accidente cun quad implicado que ocorreu dentro dunha leira privada en Sarria, informou o 112.
O aviso recibiuse ao redor das 15,00 horas. Como consecuencia do golpe, a muller presentaba diferentes lesións, polo que foi trasladada de urxencia a un centro hospitalario.
O accidente produciuse na rúa Fernando de Castro e ata o lugar dos feitos trasladáronse profesionais do 061 e axentes da Policía Local.
