IniciosociedadeO concello de Monforte séntese agraviado pola Xunta

O concello de Monforte séntese agraviado pola Xunta

Publicado o

- Advertisement -

O concello de Monforte séntese agraviado pola Xunta

A Axencia de Turismo de Galicia desestima o recurso de alzada interposto polo concello para declarar a Feira Medieval como Festa de Interese Turístico de Galicia.

Por X.M. Fernández | Monforte de Lemos | 27/04/2018 | Actualizada ás 11:48

O Alcalde, José Tomé, e a concelleira de cultura, Marina Doutón, compareceron diante da prensa para comunicar o seu sentimento de agravio coa Xunta de Galicia ao rexeitar por segunda vez o recoñecemento solicitado para a Feira Medieval.

Marina Doutón e José Tomé Roca en rolda de prensa. Fonte: Concello de Monforte

Tomé lamenta que, para rexeitar a solicitude formal, o goberno galego alegue que a Feira carece da antigüidade mínima de 20 anos e que a dispensa para acceder ao recoñecemento de Festa de Interese Turístico de Galicia cumpridos os 15 de celebración é unha posibilidade e non unha obriga. En palabras do propio rexedor, a Xunta vén a dicir que non lles dá a gana de concederlle a Monforte este distintivo malia que cumpre cos requisitos esixidos.

O alcalde, apunta tamén que “o escrito da Xunta lémbranos que cando o evento cumpra os 20 anos, poderemos solicitar a declaración, pero ademais, tamén nos suxiren a posibilidade de interpoñer un recurso contencioso-administrativo ante os xulgados; pero iso non o imos facer. Darlles esa ledicia significa entrar nunha maraña legal, que vén durar o mesmo tempo que falta para que a Feira Medieval cumpra os 20 anos”.

O Concello de Monforte solicitoulle á Xunta a finais do pasado ano a declaración da Feira Medieval como Festa de Interese Turístico aproveitando que esta chegara á edición número XV e apoiándose en criterios que  xustificaban a aplicación da dispensa contemplada no Decreto 4/2015, do 8 de xaneiro, que regula a declaración de festas de interese turístico de Galicia. Acceder a ese mérito semellaba factible, a priori, pois no informe que acompañaba a solicitude documentábanse condicións e aspectos importantes para, nunha valoración conxunta dos mesmos, facer posible a excepción dos 20 anos que rexen como norma xeral. Entre os aspectos indicados están a singularidade do evento, o arraigo que ten na comarca, a realización de accións promocionais, o seu valor cultural e a continuidade do evento no tempo.

A resolución que desestima o recurso de alzada presentado polo Concello parece non acreditar nin desacreditar os elementos de valor anteriores e limítase a insistir que a norma xeral é que se conceda o recoñecemento a partir dos 20 anos ininterrompidos de celebración do evento.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...