Desde que comezou a crise do coronavirus ata agora, a provincia de Lugo contou con 482 casos, contando os falecementos (7, o primeiro falecemento na provincia de Lugo foi o dun home de Chantada que ingresar no Hospital Comarcal de Monforte) e as altas (17, onte déronse 4 delas, da que unha correspondía a unha muller de Chantada ingresada no Hospital Comarcal de Monforte). A provincia entra no mes de abril con 458 casos activos, 87 máis que no día de onte.
Destes casos activos, 13 están na UCI, un máis ca onte. 4 dos pacientes na UCI están no Hospital Público da Mariña e os 9 restantes no HULA. Increméntanse en 10 as persoas hospitalizadas polo Covid19 e chegan a 78; 16 delas no Hospital Público da Mariña, 9 no Hospital Público de Monforte, 2 no Hospital Virxe dos Ollos Grandes e o resto no HULA.
As persoas que están na casa en corentena co diagnóstico confirmado de Covid19, nesta provincia de Lugo, incrementáronse en 76, sumando un total de 367 casos activos en domicilio.
