A Denominación de Orixe Ribeira Sacra participará no certame Mondial des Vins Extremes, organizado polo CERVIM (en italiano, Centro de Investigación, Estudos e Valorizaciónda Viticultura de Montaña). Este encontro terá lugar no Val d’Aosta, unha rexión montañosa do norte de Italia, entre o 11 e o 13 de xullo.

O Mondial des Vins Extremes é o certame internacional máis importante no ámbito da viticultura heroica ou de montaña. As condicións que deben cumprir as denominacións para que os seus viños participen son que os viñedos estean nunha altitude superior aos 500 metros e teñan unha pendente do terreo superior ao 30% e o sistema vitícola de cultivo sexa en socalcos ou terrazas.

O obxectivo do CERVIM é dar a coñecer e poñer en valor a produción enolóxica destes lugares e salientar as características única destes viños. A D.O. Ribeira Sacra presentará 44 mostras de tintos e 7 de brancos de 35 adegas nun certame que servirá como trampolín internacional para estes viños.