A implantación do servizo de telefonía 4G podería estar producindo afectacións e deficiencias na recepción da Televisión Dixital Terrestre (TDT), xa que ocupan a mesma frecuencia. Así o comunicou o Concello de Monforte o pasado sábado día 22.

Deste xeito, os cidadáns poderán beneficiarse das actuacións técnicas necesarias nos seus dispositivos a través da empresa LLEGA800, de carácter gratuito. Dado que o prazo para solicitar este tipo de actuacións é de seis meses dende a data de posta en servizo das estacións de telefonía móbil, o Concello informa que pechará o vindeiro 30 de xuño.

En caso de dúbida, é posible chamar ao teléfono gratuito da oficina técnica de concellos de LLEGA800, o 900 831 902.