O concello de Sober organiza para o 14 de setembro un concerto de dúas bandas de música militares, a Unidade de Música do Terzo Norte da Armada, con sede en Ferrol, e a Unidade de Música do Cuartel Xeral da Forza Loxística Operativa, con sede na Coruña
O concerto, previsto para as 7 da tarde na Praza do Toural,está enmarcado na programación das Festas do Carme da localidade e servirá como homenaxe á Banda de Música de Sober no seu 150 aniversario
Sober, etapa do RallY Ribeira Sacra
O Concello de Sober acollerá o vindeiro 21 de setembro unha das etapas do Rally Ribeira Sacra 2019. Despois de 8 anos será a primeira vez que esta proba pise a provincia de Lugo, con tres pasadas polo Concello de Sober. O Goberno local encargarase de financiar esta etapa da proba.
A carreira, que organiza a escudería Luintra, é unha cita dos amantes do motor xa consolidada no calendario galego. Os organizadores agardan unha participación moi elevada, que prevén supere os 130, entre eles o piloto local, Diego Pérez.
A etapa de Sober será o 21 de setembro e faranse tres pasadas por un tramo que sae de Canaval por Pena Cabreira, Moradela, Moreda, Vilaescura, Rosende, Lama dos Campos e Millán, con final na Praza do Concello de Sober. Un total de 9 km de percorrido “rápido, bonito e seguro para os asistentes”, tal e como explican desde a organización. As horas previstas de saída para a triplo pasada son as seguintes: 9:41, 13:50 e 17:59 horas.
