O Campionato Galego de Promoción Slálom contou esta mañá en terras pontevedresas con 51 deportistas inscritos de cinco clubs: CDM Piragüismo Dumbría, Club Quixos, Miño-Os Teixugos, Penedo-Teimporta e Tea de Mondariz Balneario. A relación definitiva recollía 74 inscricións entre as modalidades de kayak individual (K1) e canoa individual (C1), ademais de seis abridores.
Esta xornada, que transcorreu cun gran ambiente competitivo, puxo fin á tempada regular do piragüismo de base confirmando aos campións e campioas galegos/as das diferentes categorías.
O Club Quixós desprazouse a Mondariz Balneario con 11 piragüistas e acadou 7 medallas individuais. Por equipos, acadou o segundo posto a moi pouca distancia do club gañador: o CDM Piragüismo Dumbría.
MEDALLEIRO
Xoel Fernández Méndez subiu ao máis alto do podio declarándose campión galego en C-1 e K-1 na categoría infantil; en K-1 infantil foi medalla de bronce Lucas Pavón; na categoría de alevín, Manuel Rodríguez e Breixo Fernández foron bronce en K-1 e C-1 respectivamente; e Leo Bello foi ouro en K-1 prebenxamín.
