HomeCulturaLuis Iglesia e Marcos Orsi representan "Sénior" en Monforte

Luis Iglesia e Marcos Orsi representan “Sénior” en Monforte

O Edificio Multiusos de Monforte acollerá este xoves 12 de decembro ás 20:15 horas a posta en escena da obra que produce a Cía Culturactiva.

Publicado o

- Advertisement -

Esta obra é a quinta e derradeira das representacións que a Delegación de Cultura do Concello de Monforte programa no último trimestre de 2019, dentro das actividades da Rede Galega de Teatro e Auditorios que promove a Axencia Galega das Industrias Culturais da Xunta de Galicia -AGADIC-. A peza está dirixida a público adulto e a entrada costa 5 euros, sendo de 3 euros para estudantes, desempregados e xubilados.

Sénior é un espectáculo cómico sobre a crise dos 50 que conta cos actores Luis Iglesia e Marcos Orsi baixo a dirección de Avelino González.

Trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente preparados/as para os retos e problemas que se nos botan enriba ao cumprir o medio século? E, sobre todo, estamos preparados/as para ser vellos/as?

Cunha comicidade sinxela e directa, na que doadamente se verá identificada a audiencia, e apoiada nun texto enxeñoso de creación propia, Sénior permitiranos rir das situacións máis cotiás, de divertidas anécdotas que, seguramente, moitos/as de nós chegamos a vivir e de escenas que só se poden vivir, gozar e padecer a partir dos 50 anos.

Grandes dilemas do sénior: visto como o meu fillo ou como o meu pai? Estou enfermo ou só me fago vello? Porque van todos como tolos nos coches? Isto da idade ten algún remedio?… Ducias de preguntas que este espectáculo non resolverá, pero que son a escusa perfecta para pasar un momento entretido.

ÚLTIMAS

O 12 de abril comeza un programa piloto para visitar as igrexas da Ribeira Sacra

A Ribeira Sacra coa maior concentración de arte románico rural de Europa é un...

A D.O. Ribeira Sacra no Salón Gourmets de Madrid do 7 ao 10 de abril

O Salón Gourmets, na súa 38ª edición, consolídase como o evento europeo de referencia...

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...