O director da Banda, Miguel Franqueiro, explica que tocarán temas coñecidos “que abarcarán un amplo repertorio, sobre todo contemporáneo, desde música de cine ata compositores do século XX e XXI sen esquecer o toque de Nadal”.

No concerto van participar antigos membros da banda, novas incorporacións e outros músicos que se animaron a tocar. Desde a formación destacan a aposta que se está a facer pola Escola de Música. Trátase, segundo apunta Franqueiro, “de ter unha banda que en pouco tempo se autosustente e teña na Escola de Música a súa principal canteira”.

O concerto de Reis, co que colabora o Concello de Taboada, será o día seis á unha da tarde no auditorio do antigo cuartel de Taboada. A entrada é de balde.