O proxecto da obra da rúa Cardenal foi redactado en setembro de 2019 polo empresa Abante. A obra saíu a licitación o pasado 15 de novembro, cun prezo de 287.707,02 euros. Foron 11 as ofertas que se presentaron a concurso, sendo finalmente adxudicada a obra á empresa Ovisa.

O financiamento será levado a cabo con remanentes de fondos municipais. O prazo de execución da obra será de 56 días (8 semanas) dende a formalización da Acta de comprobación de replanteo e unha vez sexa aprobado o Plan de seguridade e saúde que ten que presentar a empresa antes do inicio das obras. As obras consistirán na mellora do pavimento, canalizacións soterradas e colocación de mobiliario urbano e luminarias led.

A previsión é que o contrato sexa asinado a vindeira semana e que o inicio das obras dea comezo a mediados do mes de xaneiro. O remate da mesma, en virtude dos prazos establecidos, será antes do inicio da Feira Medieval (11 e 12 de abril).