O pasado xudeu do Concello de Monforte foi protagonista, este13 de febreiro, nas xornadas que organiza a Asociación Profesional de Guías de Turismo de Galicia (APIT Galicia) en Tui. A 1ª Tenente de Alcalde, Gloria Prada, acompañada polo historiador monfortino Felipe Aira, desprazouse ata Tui para participar desta actividade que se enmarca dentro do plan do Equipo de Goberno do Concello de promoción turística da cidade e de difusión do seu patrimonio histórico e artístico.

En concreto, e baixo o título Os Xudeos e Conversos en Galicia: os seus lugares, a súa historia, na sede da UNED de Tui desenvolveuse dende as 10 da mañá de hoxe un programa cuxo obxectivo non foi outro que dar a coñecer ós asistentes os aspectos máis relevantes e destacados das xuderías dos tres concellos galegos que contan cun pasado sefardí, Tui, Ribadavia e Monforte de Lemos. Estes 3 concellos pertencen á Red de Juderías de España.