O obxectivo desta iniciativa da Asociación de Empresarios de Chantada e CCA Ribeira Sacra é que os chantadinos e as chantadinas colaboren na posta en marcha da primeira campaña de dinamización do comercio local que poida realizarse cando remate o estado de alarma, para así festexar a volta á normalidade.
A participación na campaña “Volveremos a vernos” está aberta a nenos e adultos, pero só poderán remitir as propostas os/as maiores de 16 anos. Contémplanse 3 opcións para participar:
- Achegando unha idea de actividade que lles gustaría que se realizase o día que sexa factible a campaña, cando finalice o estado de alarma.
- Debuxo ou deseño que se empregará para a cartelería e para as redes redes sociais.
- Eslogan ou #hashtag para a campaña.
Aqueles que se animen deberán remitir os seus deseños e/ou ideas escaneadas ou mediante foto ao correo electrónico xerencia@ccaribeirasacra.com ou vía whatsApp ao número 680645124 indicando o seu nome, apelidos e teléfono de contacto.
Tres membros da Asociación serán os encargados de valorar e elixir aos 3 gañadores/as, sorteándose 3 vales agasallo de 50 euros que poderán facerse efectivos o día que se celebre a devandita campaña nos establecementos adheridos a Asociación de Empresarios.
