Este domingo, 3 de maio, a provincia de Lugo conta con 222 casos activos de coronavirus, 5 casos menos ca onte, dos que 5 están na UCI, 2 na Mariña e 3 no Hula; e 6 en hospitalización, igual ca onte. Dos hospitalizados 3 están no hospital Virxen do Ollos Grandes e outros 3 no HULA. O Hospital Comarcal de Monforte segue desde o día 22 de abril sen hospitalizados por Covid19.
Os datos correspondentes á zona sur da provincia nas residencias de maiores e centros de atención a persoas con discapacidade mantéñense estables. Na Ribeira Sacra, a residencia de maiores de Castro Caldelas informa da curación dun novo usuario. Neste centro quedan agora 2 usuarios infectados.
En Galicia, un total de 41 usuarios de residencias de maiores recibiron o alta durante a pasada xornada despois de superar o coronavirus, polo que a cifra de infectados neste tipo de centros diminuíu ata os 541.
Desta maneira, o número total de contaxiados por coronavirus nos centros de atención á terceira idade e de persoas con discapacidade sitúase en 919, entre empregados e residentes.
