Tres persoas continúan na Unidade de Coidados Intensivos do HULA e outra está hospitalizada en planta. O resto de positivos, 65, permanecen nos seus domicilios. Non se rexistran cambios no número de falecementos na provincia (27 dende o inicio da pandemia) e as altas ascenden ata as 837.

O número de casos activos de coronavirus en Galicia baixou nas últimas horas a 1.063, 73 casos menos que os notificados hai un día, e o cómputo de persoas curadas alcanza as 9.411, tras darse outras 130 altas, segundo os datos trasladados este mércores pola Consellería de Sanidade.

Fontes sanitarias precisaron que, do total de casos activos, 290 correspóndense coa área de Vigo, 285 son da área sanitaria da Coruña, 171 da área de Ourense, 168 correspóndense coa área de Santiago, 69 coa de Lugo, 51 coa de Pontevedra, e 29 coa área sanitaria de Ferrol.