Hai uns días, concretamente o 27 de xuño, reabríronse con todas as medidas de prevención sanitarias as portas do Centro do Viño e da Oficina Municipal de Turismo de Monforte de Lemos. O horario de verán será de 10:00 a 14:00 h. pola mañá e de 17:00 a 21:00 h. pola tarde. Para aqueles que queiran facer visitas guiadas ao Centro de Interpretación Ribeira Sacra -Museo do Viño- estas poderán facerse ás 11:30, 12:30, 17:30 e 19:00 h.

E para o sábado 4 de xullo está prevista a presentación do novo Tren Turístico da Ribeira Sacra, vehículo que xa forma parte dende hai anos da oferta turística deste territorio en Doade. O novo vehículo presentarase oficialmente nas Bodegas Regina Viarum -Doade- ás 18:15 h. e ao acto asistirán, entre outras autoridades, o Alcalde de Sober, Luis Guitián, e o Conselleiro de Traballo e Industria, Francisco Conde. Ao remate do acto a organización convidará a un viño.