Segundo as últimas estimacións o incendio de Quiroga afecta unha superficie provisional de 25 hectáreas, das cales 10 son arboradas e 15 de monte raso. Para a súa extinción lévanse mobilizado 3 axentes, 16 brigadas, 5 motobombas, 1 pa, 5 helicópteros e 3 avións.
Tamén segue controlado desde as 11,52 h. de onte o lume do concello ourensán de Monterrei, no que arderon 720 hectáreas. Delas, 450 son forestais (400 rasas e 50 arboradas) e as restantes 270 ha son agrícolas. Para a extinción deste incendio lévanse mobilizado 4 técnicos, 33 axentes, 83 brigadas, 35 motobombas, 2 pas, 9 helicópteros e 12 avións, así como efectivos da Unidade Militar de Emerxencias (UME).
E ás 21,46 h. de onte quedaba extinguido o incendio rexistrado no concello ourensán de Manzaneda, parroquia de Paradela, que se orixinou ás 23,05 h. do luns. Segundo as últimas estimacións, afectou unha superficie de 23,45 hectáreas. Na súa extinción participaron 1 técnico, 5 axentes, 15 brigadas, 6 motobombas, 1 pa e 2 helicópteros.
