HomesociedadeMonforte desinfecta o Club Fluvial tras o positivo dunha traballadora

Monforte desinfecta o Club Fluvial tras o positivo dunha traballadora

Unha traballadora do Club deu positivo en COVID-19 tras regresar dun período de vacacións fora do municipio.

Publicado o

- Advertisement -

O alcalde de Monforte de Lemos, José Tomé, anunciou que se está desinfectando a contorna do Club Fluvial despois de que se detectase un positivo nun dos seus traballadores.

En concreto, a empresa FCC, encargada do servizo de recollida de lixos e limpeza viaria, procederá na mañá deste xoves a desinfectar os accesos ao Club Fluvial e a rúa Caneiro.

O obxectivo, explicou, é “garantir a hixiene e saúde” de toda a poboación do municipio ante a COVID-19, así como transmitir tranquilidade, dado que se adoptaron todas as medidas necesarias.

Esta semana confirmábase que unha traballadora do Club dera positivo en COVID-19 tras regresar dun período de vacacións fora do municipio. No momento, activouse o protocolo de illamento e seguimento de contactos, aínda que a súa presenza no Club Fluvial foi limitada desde o seu regreso.

En todo caso, os responsables das instalacións decidiron pechar xa o luns de forma preventiva o Club, antes de coñecer o resultado da proba, que foi positivo, polo que, polo momento, mantense o peche. Ademais, foron sometidos a probas PCR os compañeiros de quenda da afectada, que deron negativo.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...