HomeMedio ambiente e PatrimonioSober recupera pinturas murais do século XVI

Sober recupera pinturas murais do século XVI

A Xunta de Galicia investe 109.000 euros na restauración e posta en valor das pinturas murais da igrexa de San Vicente de Pinol, no concello de Sober, un conxunto pictórico que data de principios do século XVI.

Publicado o

POR
Redacción
- Advertisement -

Durante este martes, 18 de agosto, o Concello de Sober organizou unha xornada de portas abertas para coñecer os traballos efectuados, cumprindo con todas as medidas sanitarias pola incidencia do virus covid-19, á que asistiu a directora xeral de Patrimonio, María del Carmen Martínez Insua, acompañada polo alcalde da localidade, Luis Fernández Guitián.

A actuación, que foi financiada pola Consellería de Cultura e Turismo e cofinanciada pola Unión Europea a través de fondos FEDER, foi levada a cabo pola empresa Babelia, especializada na conservación e restauración de bens culturais. O equipo técnico estivo conformado por cinco restauradores e outras persoas especializadas en fotografía, análise histórica-artística ou mesmo bioloxía.

Segundo indicou a responsable do proxecto, Montserrat Jiménez, os traballos “empezaron en novembro do ano 2019 e foron finalizados hai uns días”. Jiménez destacou así mesmo que se conservou “unha porcentaxe bastante grande do conxunto orixinal”, en total “uns 100 metros cadrados de policromía” que se atopan “na nave principal do templo”.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...