HomePolíticaO PP de Monforte demanda solucións no embarcadoiro de Ponte do Sil

O PP de Monforte demanda solucións no embarcadoiro de Ponte do Sil

O grupo municipal do PP de Monforte esixe á Deputación que a maior brevidade posible solucione os problemas de eliminación das augas residuais da cafetería do embarcadoiro de Ponte do Sil (antes de Doade), no concello de Monforte, e faga os trámites necesarios para poñela de novo en servizo.

Publicado o

POR
Redacción
- Advertisement -

A contorna do embarcadoiro ofrece a día de hoxe unha imaxe de abandono, cos contedores de lixo a rebordar e con lixo amoreado no seu entorno, que están a vista dos visitantes que recorren o río nos catamaráns.

A portavoz do PP en Monforte, Katy Varela, sinala: “Á vista das queixas que nos chegaron, visitamos o embarcadoiro e comprobamos o estado de abandono ao que o ten sometido o presidente da Deputación, José Tomé, alcalde de Monforte. Isto é a mostra do pouco interese que ten o presidente da Deputación e alcalde de Monforte, no fomento do turismo, porque este embarcadoiro é moi utilizado polos visitantes; non se pode tolerar que os contedores estean sen baleirar e o lixo estea amoreado no chan”

Varela explica: “Actualmente non hai servizo de cafetería, por un problema de vertidos residuais ao río. Polo menos ese foi o argumento utilizado pola deputación para non conceder a prórroga solicitada por quen tiña a concesión da explotación desta cafetería. O caso é que pasaron os meses e nin se arranxou o problema dos vertidos e a concesión segue sen tramitarse”.

O embarcadoiro leva un ano xa sen servizo de cafetería, os populares anuncian que insistirán no Concello de Monforte e na Deputación na reclamación de medidas para corrixir o problema dos vertidos e a inmediata tramitación da concesión da cafetería.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...