Dous cazadores resultaron feridos esta fin de semana en municipios da Ribeira Sacra, un deles ao dispararse de forma fortuíta nun pé e o outro ao ser atacado por un xabaril moribundo.

Segundo o diario El Progreso, o primeiro dos cazadores feridos, disparouse nun pé mentres participaba nunha batida no municipio do Saviñao e foi ingresado no Hospital Comarcal de Monforte de Lemos.

O segundo, dunha peña de cazadores de Monforte e Pantón, resultou ferido por un xabaril moribundo ao achegarse ao animal crendo que estaba morto que cun dos seus cabeiros xeroulle cortes nunha perna e na boneca e tivo que recibir puntos de sutura.