A Casa da Cultura Poeta Lois Pereiro de Monforte acolle a exposición “Unha invasión silenciosa: a biodiversidade baixo ameaza”, organizada pola Aula Universitaria da UNED de Monforte de Lemos, coa colaboración do Concello monfortino.

Por motivos de seguridade ante a Covid-19 o aforo estará limitado á visita dun máximo de 5 persoas á vez; tendo que inscribirse previamente a través da web da UNED.

A exposición pretende divulgar a problemática social e ambiental que provocan as especies exóticas invasoras e enmárcase dentro do ciclo Uned Lugo Naturalmente. A mostra busca a reflexión visual sobre os perigos que acechan á biodiversidade a través de 13 paneis informativos nos que se analiza o fenómeno das especies invasoras, tanto animais como vexetais, e se ofrece un achegamento tanto ás causas como as súas solucións.