HomesociedadeMedio millón de euros para renovar a vía de alta capacidade de...

Medio millón de euros para renovar a vía de alta capacidade de Monforte

A Consellería de Infraestruturas e Mobilidade vén de rematar as obras de renovación do firme da vía de alta capacidade VG-2.1 en Monforte de Lemos, a estrada que conecta os dous corredores de acceso a Monforte procedentes de Nadela (Lugo) e Chantada.

Publicado o

POR
Redacción
- Advertisement -

A intervención, que contou cun orzamento de preto de medio millón de euros (491.274 euros) e afectou á totalidade do trazado, de 2,8 quilómetros de lonxitude. As obras consistiron no acondicionamento integral da capa de rodadura, para o que se procedeu ao fresado do firme existente en calzada e beiravías, e fresados localizados da capa intermedia nas zonas nas que se apreciou deformación. O novo pavimento presenta as mesmas características que o dos corredores que enlaza, de construción máis recente.

As actuacións executáronse tanto na vía principal como nos ramais de acceso, e incluíron outros labores complementarios, como a renovación da sinalización horizontal e balizamento ou a limpeza de cunetas.

A estrada mellora as condicións de adherencia e visibilidade, achegando maior seguridade para os usuarios da vía. O tráfico estimado da VG-2.1 supera os 3.700 vehículos ao día, do que máis do 8% corresponde a vehículos pesados.

Estes traballos forman parte do contrato das obras de mellora do firme en tres estradas que vertebran as comunicacións con Monforte de Lemos, cun investimento autonómico de máis dun millón de euros.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...