A única feira do viño da Ribeira Sacra que se desenvolveu normalmente o pasado ano foi a de Chantada, que se celebraba pouco antes de que se decretase o confinamento. Pero neste 2021 todo apunta a que todas as feiras do viño correrán unha sorte parecida.

O pasado venres no auditorio de Chantada reuníanse membros do equipo de goberno e adegueiros para falar sobre o que sería a edición número 𝟑𝟗 𝐝𝐚 Feira do Viño de Chantada que este ano se celebraría o venres 12, o sábado 13 e o domingo, 14 de marzo.

A decisión unánime foi o aprazamento deste evento por mor da pandemia. En próximos días celebraranse novas xuntanzas para ver se existe a posibilidade de organizar actos seguros con aforo limitado como o túnel do viño, a cata oficial ou visitas á adegas, sempre que as condicións sanitarias a mediados de marzo o permitan. Outra posibilidade sería esperar a que o ano abance máis.

De novo, o artista, Juan José Lomarti, será o encargado de realizar o cartel da 39ª Feira do Viño de Chantada.