O Concello de Bóveda vén de incorporar unha axente de emprego e desenvolvemento local que estará a disposición dos veciños e veciñas naquelo que poidan necesitar en relación co mercado laboral e as oportunidades de traballo.
Con esta incorporación o Goberno municipal pretende acadar unha maior dinamización e crecemento económico do territorio, así como fomentar o desenvolvemento local.
A axente de emprego e desenvolvemento local prestará servizo de asesoramento, información e apoio á tramitación aos seguintes colectivos: Emprendedores, Empresas e persoas autónomas, Demandantes de emprego.
Entre as súas funcións estará tamén a intermediación laboral: recepción de ofertas laborais por parte das empresas e CVs dos demandantes de emprego co obxectivo de realizar o seu emparellamento.
Prestará ademais un servizo de orientación e apoio técnico: elaboración de CV, información sobre oferta formativa e o mercado laboral, así como tamén proporcionar técnicas e ferramentas para a busca activa de emprego.
O horario de atención ao público é de luns a venres de 09:30 a 13:30 horas. Dada a situación sanitaria que atravesamos recoméndase solicitar cita previa a través do teléfono 982 42 60 06.
