O proxecto de mellora da rúa A Veiga foi adxudicado á empresa Francisco Gómez y Cía, S.L. por un importe total de 38.143 euros, sendo o 100% da obra financiación municipal. O prazo de execución destas actuacións, iniciadas este mércores, é de 10 días.

O Alcalde destaca que “con esta obra de mellora na rúa A Veiga procedemos á renovación do seu firme, posto que presenta numerosas irregularidades e baches, facilitando así ós veciños da zona o tránsito axeitado pola mesma”.

A mellora afectará a un treito de 1.155 metros. As obras de renovación do firme da rúa A Veiga consistirán na aplicación dunha nova capa de rodadura, na que se  incluirá o rego de adherencia e o bacheo previo nas zonas que é necesario. Procederase ao pintado da vía, coa marcaxe das liñas, cebreados e símbolos correspondentes.