HomeMedio ambiente e PatrimonioCampaña solidaria para fomentar a compostaxe comunitaria na Pobra do Brollón

Campaña solidaria para fomentar a compostaxe comunitaria na Pobra do Brollón

A área de Medio Ambiente do Concello da Pobra do Brollón lanza unha campaña solidaria para fomentar a compostaxe comunitaria entre os veciñas e veciñas.

Publicado o

POR
Redacción
- Advertisement -

A campaña consiste en trocar compost por alimentos para persoas desfavorecidas. Ao final do ano, pesarase o total do compost obtido grazas á compostaxe comunitaria e o 30% do seu peso doarase en quilos de alimentos para familias e persoas desfavorecidas. 

A idea é incentivar o uso das seis composteiras comunitarias que se atopan na Pobra do Brollón. “Cando se instalaron as composteiras en marzo de 2018 foron moi ben recibidas, pero agora queremos darlles un novo impulso” comenta Elvira Martínez, técnico de Medio Ambiente.

‘Deste xeito, a compostaxe ten unha dobre vantaxe para a xente. Coidamos do noso medio natural e somos solidarios cos nosos veciños’ comenta Martínez. ‘Ademais, lembramos que o compost obtido despois queda a disposición de quen o queira usar para fertilizar os seus xardíns e hortas’. 

A acción vai acompañada dunha campaña informativa con carteis e un vídeo que se divulgará nas redes sociais no que se repasa como funciona a compostaxe e como facela correctamente. 

O Concello da Pobra do Brollón foi pioneiro na provincia de Lugo na instalación das composteiras e na implantación de estratexias para fomentar a reciclaxe, a través de iniciativas como o punto limpo móbil e a recollida domiciliaria de refugallos voluminosos. 

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...