Segundo explica o Presidente da asociación, Néstor Quiroga Casas, “esta campaña faise porque este ano non podemos facer a Feira de Oportunidades que se facía xunto coa Feira do Viño de Chantada”.
Participan case 50 establecementos da localidade que están a ofrecer ata o 6 de marzo grandes descontos en diferentes sectores de actividade comercial: roupa, calzado, floristería, complementos, supermercados, perfumerías, etc. O listado de participantes pódese consultar en carteis que hai por Chantada e nas redes sociais da propia Asociación de Empresarios e o Centro Comercial Aberto de Chantada -Facebook e Instagram-.
OUTRAS ACTIVIDADES DE DINAMIZACIÓN
Ademais desta campaña de ‘oportunidades’ a entidade vén de chegar a un acordo con ENVACO para que as empresas e comercios asociados poidan empregar unha plataforma de venda online, ruralsell.com, con condicións preferentes. O primeiro ano de inscrición no mercado virtual non ten custe algún e no segundo ano o prezo de aloxamento ten un desconto do 50%.
Tamén contemplan a creación dunha APP propia do colectivo para axilizar e facilitar a venda de produtos e seguen a desenvolver a campaña de captación de novos asociados/as. Actualmente contan cuns 150.
Para contactar coa asoaciación pódese facer a través das súas redes sociais, dos teléfonos 982 46 20 94 / 680 64 51 24 ou no correo electrónico xerencia@ccaribeirasacra.com
