O Concello de Castro Caldelas decorou un dos seus parques con murais coa figura de Rosalía de Castro e os seus pensamentos.

Esta iniciativa xurdiu produto da colaboración entre o propio concello e A Colectiva, Asociación Profesional de Artistas de Galicia, que ten entre os seus fins facer visibles as artes visuais producidas aquí, na nosa terra.

As obras gráficas realizadas son un traballo dos artistas Mongiart, que “fixeron posible que Rosalía de Castro reviva nas paredes do Parque da Estrela”, segundo palabras da alcaldesa Sara Inés Vega.

DINAMIZACIÓN COMERCIAL

Castro Caldelas prepárase tamén para estes días, de cara a dinamizar a vida e o comercio local con actividades importantes para o 17 e o 18 de maio.

Así, o vindeiro 17 Maio, haberá unha “Feira de Artesanía e Produtos Locais” na Praza do Prado organizada pola Asociación TARABELADA para disfrutar con toda a producción artesá propia.

E xa o vindeiro martes, 18 Maio, a FEIRA: Mercado variado e Produtos da zona acompañados da gastronomía típica polos locais da vila: Polbo, Callos, Empanada, Carne de Vacún, Cordeiro, Bica, Queixo de Cabra, Viño da Ribeira Sacra e Licor Café.