HomeDeportesOs alevíns do Korbis monfortino máis preto de poder competir en Valladolid

Os alevíns do Korbis monfortino máis preto de poder competir en Valladolid

Na xornada do sábado 5 de xuño recadaron 1000 euros, e xa suman 2000 en total. Segundo calculan, con 3000 poderían xogar a fase final do campionato de España.

Publicado o

POR
Redacción
- Advertisement -

Os alevíns do club de voleibol monfortino necesitan, segundo nos comentou o seu adestrador, Miguel A. de la Gama, 3000 euros para poder participar na fase final do campionato de España que se celebra en Valladolid  do 18 ao 20 de xuño.

Os rapaces, campións galegos na súa categoría, puxéronse a vender rifas desde o pasado mércores ao prezo dun euro e cun sorteo final dunha cea no restaurante monfortino Mesón JM.

Levaban recadados 1000 euros e na xornada deste sábado 5 buliron por Monforte ofrecendo números para o sorteo ademais de poñer unha mesa con material do club –camisetas e suadeiras– á venda a prezo de ganga. Estiveron pola zona do Parque dos Condes e da Compañía pedindo a colaboración da xente e o resultado foi tan bo que cara as 20:00 h. xa venderan 1000 rifas.

Xa lles falta menos para acadar os 3000 euros que puxeron de obxectivo, e así poder competir en Valladolid como premio á gran tempada.

Rapaces do Korbis na Compañía / XdL

XORNADAS DE PORTAS ABERTAS

Ao longo deste mes de xuño o Club Korbis abre as súas portas para que todos aqueles e aquelas que queiran gozar do voleibol pasen polo pavillón da Pinguela.

Os horarios segundo datas de nacemento están na súa páxina de Facebook pu tamén se pode pedir información ao respecto no número 686 87 45 89.

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...