As piragüistas e os piragüistas máis pequenas e pequenos do Club Quixós de Monforte madrugarán este domingo 13 de xuño para ir competir á vila pontevedresa de Ponteareas, lugar onde dá comezo a Liga Galega Promoción Slalom deste ano.
En ‘Abridores’ estará Noa Quintián; en K1 Muller Alevín Mara Ledo e Sara Inés Varela; en K1 Muller Infantil Nerea Gutiérrez; en C1 Home Alevín Martín Prats; en C1 Home Infantil Jacobo Rodríguez; en C1 Muller Alevín Mara Ledo e Sara Inés Varela; en C1 Muller Infantil Nerea Gutiérrez; en K1 Home Prebenxamín Antón Liñares, Marco Rodríguez e Mateo Valladares; en K1 Home Benxamín Xoel Fernández e Rodrigo Morillo; en K1 Home Alevín Edgar Álvarez e Martín Prats; en K1 Home Infantil Diego Expósito e Jacobo Rodríguez.
A competición, que ten previsto o seu comezo ás 11:00 h., terá lugar no Río Tea, na Praia da Freixa da vila de Ponteareas.
