As xogadoras convocadas son as infantís, Saray Gonzalez e Mencía Suárez e a Cadete, Ángela Bussieres que se poñerán ás ordes dos Seleccionadores Galegos durante os días 2, 3 e 4 de xullo en Quiroga, onde prepararán o Campionato de España de Seleccións Autonómicas (CESA 21) que se celebrará do 15 ao 18 de Julio en Valladolid.

Tanto Ángela como Mencía xa son asiduas a concentraciónes tanto coa Federación Galega como coa Federación Española, Saray é a primeira vez que vai chamada pola Federación Galega pero é unha xogadora tamén con gran proxección, que non pasará desapercibida.

Desde o club mostran a súa satisfacción por estas convocatorias e aseguran estar orgullosos de seguir achegando xogadoras á selección Autonómica, “o que nos anima a seguir traballando co deporte base que é o noso referente. A Ángela, Saray e Mencía desexámoslles que aprendan moito pero sobre todo que gocen da experiencia.”