A expedición do Club monfortino de piragüismo Quixós chegaba na tarde do domingo 20 de xuño a Monforte, e facíao coa satisfacción dun novo éxito deportivo.

O canal de augas bravas Sabero-Alejico, en terras leonesas, acolleu os días 19 e 20 de xuño o Campionato de España de descenso en modalidade sprint e clásica, competición que se lle deu moi ben ás palistas e aos palistas monfortinos. Rematada a modalidade sprint o club sumaba 12 medallas e xa o domingo, 4 máis na distancia clásica. No balance final, por clubs, dous terceiros postos para o Quixós.

MEDALLISTAS

Noa Díaz obtivo 3 medallas de ouro, dúas en sprint (K1 e C1) e unha en clásica (K1); Efrén Álvarez outras 3, 2 de prata (sprint C1 e clásica K1) e 1 de bronce (sprint K1); Claudio Fernández volve con 2 medallas, unha de ouro (sprint C1) e outra de bronce en (clásica C2 senior) compartida con Antonio Fernández; Gabriel Rodríguez 2 medallas, unha de ouro (clásica K1) e unha de prata (sprint K1); Ximena Prats 2 de prata (sprint K1 e C1); Nerea unha de prata (sprint K1); Jacobo unha de prata (sprint K1); Diego unha de prata en sprint (Infantil B) e Carlos Serafín prata en veteráns sprint.

Imaxes da competición que comparte o Club Quixós na súa páxina de Facebook.