Un piloto resultou ferido ao sufrir un accidente nun circuíto de motocrós situado no municipio lugués de Monforte. O suceso tivo lugar ás 15,50 horas deste luns nun circuíto da zona da Canle, nun lugar de difícil acceso para vehículos.

Segundo informa o CIAE 112 Galicia, a central de emerxencias tivo coñecemento do suceso por unha chamada telefónica realizada por un familiar da vítima. Ata a zona do accidente desprazouse un helicóptero de Urxencias Sanitarias 061, que procedeu a evacuar ao ferido ao Hospital Xeral de Lugo.