O Concello de Pantón segue coa programación musical de verán para amenizar as noites da fin de semana e contribuír así tamén á dinamización económica da hostalería local.

Este sábado 3 de xullo actuarán na Praza do Concello ás 22:00 h. dúas Bandas de Música, a Banda de Vilaboa e a Banda de Chantada.

Por mor das normas sobre concertos que vai actualizando o Comité Clínico da Xunta da Galicia, o espectáculo realizarase de acordo as seguintes obrigas:

-Reserva anticipada de praza no teléfono 982 45 63 77.

-Os asistentes deberan de permanecer sentados con máscara.

-Non se permite fumar, comer nin beber durante o espectáculo.

-Deberán de facilitar nome, DNI e teléfono, datos que o concello custodiará durante 30 días como esixe a normativa anticovid da Xunta de Galicia.

Ademais do Concello de Pantón, colaboran a Xunta de Galicia a través do Xacobeo 21-22 e a Deputación de Lugo.