O Sarria Sorrí contará o 8 de Agosto cunha das actuacións máis exclusivas que se poden ver hoxe en día, LECHAZO A FEIRA, con Touriñán, David Amor, Álex Clavero e JJ Vaquero xuntos no campo de rugbi. Sen ningunha dúbida, o prato forte do festival, e un dos espectáculos de comedia máis exclusivos e difíciles de ver no panorama nacional. Co 100% de entradas vendidas en todas as súas actuacións, 4 dos cómicos máis demandados da actualidade, xuntos nun escenario nunha historia desternillante e chea de sorpresas que ninguén se debería perder, a cita ás 21.00.

O ciclo rematará con Luis Piedrahíta o 14 de Agosto na Praza de Santa Marina a partir das 21.00 A organización asegura que “foi un auténtico encaixe de palillos conseguir un oco na axenda de Luís Piedrahita para visitar Sarria. Pero o polifacético cómico e mago coruñés, non quería deixar pasar esta oportunidade, de traer a un sitio tan especial como a Praza de Santa Mariña os monólogos e as sorpresas que lle fixeron ser un dos mellores espectáculos do ano na esixente Gran Vía de Madrid.”

Ademais nesa xornada contarase ás 12.00 contarase no mesmo escenario co espectáculo infantil de Pedro Brandariz, “Contos e outras andrómenas”. Actor, monologuista, clown, cómico….. Os adxectivos para definir a Pedro Brandariz esgótanse. Artista multidisciplinar, chega ao Sarria Sorrí para achegar o humor a toda a familia. Unha divertida sesión vermú, para gozar todos xuntos e gratuíta, á sombra da Igrexa de Santa Mariña.