O grupo Carta de Ajuste– David Taboada e Iván Valdés – vén de ofrecer no Círculo Saviñao o seu espectáculo musical trufado con humor. Carta de Ajuste nace por accidente no ano 2010 como un proxecto baseado no
versionado de grandes éxitos da música pop-rock en español dos anos 80 e 90 en formato acústico.
David e Iván, influenciados por agrupacións musicais de corte cómico como Les Luthiers, Académica Palanca ou Los Gandules entre outros, pouco a pouco imprimiron no seu espectáculo un carácter máis teatral, humorístico e desenfadado que os levou a adaptar o seu repertorio a todo tipo de xéneros musicais, dende a rumba ou a música disco ata o funk, a música tradicional ou a lambada.
Este dueto presenta unha formación pouco usual tendo en conta o repertorio que defenden. Unha guitarra española, unha caixa peruana e dúas voces confiren ás versións adaptadas un son peculiar e característico que sorprende, abordando dende un punto de vista diferente cancións que levamos escoitando toda a vida. Contaron co apoio inesperado do director de cine e músico Fernando “Carriola”, coma David con orixes familiares no Saviñao.
