O pasado 14 de outubro comezaba a campaña “Saborea o Outono” que organiza a Delegación Zona Sur da Asociación Provincial Empresarios Hostalería e Turismo  de Lugo. Convértese así, esta semana, na última para poder gozar da campaña polo que animan a todo o mundo a participar, ” aproveitando a ponte para degustar os manxares que ofrece o outono en 23 dos establementos asociados que participan da iniciativa.

Desde a APEHL agradecen a todos os participantes nesta campaña que a cidadanía siga ao lado do sector dándolle sentido a esta primeira campaña, realizada despois dun larguísimo tempo sen poder celebrar eventos. Sinalan a boa acollida do público e esperan poder seguir celebrando campañas agora que se comeza a ver o final do túnel.