Os traballos de mellora do firme da rúa Corredoira, concretamente nun tramo de 290 metros, están sendo executados pola empresa Ovisa. As obras abarcan o tramo que vai dende o inicio da mesma, na rúa Santa Clara, ata o seu encontro coa rúa Irmáns da Pena, xusto antes do acceso ó recinto do Hospital Comarcal.

“Esta nova actuación na rede viaria municipal enmárcase dentro dos 10 proxectos de mellora que dimos a coñecer o pasado mes de xuño e que significan obras en rúas, vías e camiños de titularidade municipal, tanto do eido urbano como rural de Monforte, e que alcanzan, en total, o medio millón de euros”, recordou o Alcalde.

O Concello decidiu acometer o arranxo desta vía urbana municipal debido a que presentaba un firme asfáltico con numerosas irregularidades e baches.

En Roberto Baamonde as actuacións consisten na reposición da capa de rodadura deste vial urbano, ó longo de 810 metros lineais, e na renovación da súa sinalización horizontal e vertical. O orzamento ascende a máis de 74.000 euros.