O Apalpador, mítico personaxe da tradición popular galega, naceu no Courel, baixa cada ano das montañas polas festas do Nadal. Como todos e todas sabedes é mangallón, bo, xeneroso, de mirada doce e longas barbas rubias. Durante o ano fabrica carbón, vive dos froitos silvestres, da caza de xabaríns, recolle mel e fai aparecer coas polas das árbores os xoguetes que as madeiras esconden.

Na mañá do 24 de decembro percorrerá as rúas de Monforte co seu abrigo cheo de remendos e a grandes zancadas, as rúas da cidade de Monforte, para apalpar as barrigas dos máis pequenos da casa.

Na súa visita a Monforte, o Apalpador virá acompañado de ‘Caramulo’ e dun amigo seu, Servando Barreiro, que lle poñerá música á ruada.

Esta actividade é habitual dende hai uns anos grazas á inciativa da Concellería de Cultura do Concello de Monforte.