Quiroga acollerá o vindeiro luns, 27 de decembro, o I Mercadiño de Nadal de Artesanía e Produtos Locais aproveitando así tamén a última feira local do ano.
Serán 16 postos os que se instalen nas carpas colocadas para o evento que abrirán ao público ás dez da mañá para manterse abertas durante toda a xornada. Neles poderanse atopar produtos artesanais de todo tipo, moitos deles amparados baixo o selo Artesanía de Galicia. Tamén se poderá ver unha demostración do traballo da madeira con torno.
Neste primeiro mercado de Nadal poderase atopar todo tipo de produtos alimenticios e de artesanía enfocados ao Nadal que servirán para dar a coñecer os produtos que se elaboran artesanalmente dentro da nosa comarca.
O pasado verán foi a primeira vez que se realizou un mercado de artesanía e produtos locais en Quiroga e dado o éxito acadado a asociación Tarabelada e o Concello de Quiroga decidiron novamente colaborar e organizar un novo mercado, nesta ocasión de Nadal.
