HomeCultura'Filipa cos contos': contos e cantos coa sabia Filipa en Chantada

‘Filipa cos contos’: contos e cantos coa sabia Filipa en Chantada

O espectáculo de narración oral para cativas e cativos a partir de 3 anos será o vindeiro 14 de maio na Biblioteca Municipal.

Publicado o

POR
Redacción
- Advertisement -

A Biblioteca Municipal do Concello de Chantada acolle o vindeiro sábado, 14 de maio, ás 12:00 h. unha sesión de contos tradicionais, populares e inventados para a cativada. O espectáculo de narración oral incorpora música e cancións en directo para contar e cantar.

Conta con dous narradores: un actor e contador, Fran, e un monicreque que manexa o propio actor: Filipa. Entre os dous vanse repartindo as historias, relacionándose entre eles e ó mesmo tempo co público.

A música en directo, as cancións, os contos cantados… animan á participación do público. Unha mestura que vai acadando a atención dun público familiar. 

Unha sesión “filipante” de contos para toda a familia: historias tradicionais, contos populares, contos de autoras e autores galegos, contos inventados, cancións e música en directo, humor… e moita participación do público. Unha sesión de narración oral, en definitiva, entre os dous contadores que suben a escena: Fran e a súa amiga, a sabia Filipa.

A actuación forma parte do ciclo de animación á lectura “Ler Conta Moito”, unha acción que impulsa dende hai varios anos a Xunta de Galicia a través da Rede de Bibliotecas Municipais.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...