A Brigada Municipal de Parques e Xardíns do Concello de Monforte está a realizar, na mañá deste 30 de maio, traballos de limpeza da vexetación superficial que se foi acumulando na Ponte Medieval co obxectivo de  resaltar a súa beleza monumental.

A policía local mantén cortado o acceso a peóns e a vehículos dende as 7:30 horas e ata que se consideren rematados os devanditos traballos de limpeza.

O alcalde, José Tomé, comentou ao respecto que “a limpeza e o axeitado mantemento deste Ben de Interese Cultural é unha das actuacións que este goberno municipal contemplou dende que iniciamos o noso mandato. A Ponte Medieval é un monumento que forma parte da imaxe da nosa cidade e por iso debemos mantela nas mellores condicións, co obxectivo de que no futuro sexa peonil para o disfrute dos monfortinos e turistas que nos visitan”.