O Mercado Circular é unha nova iniciativa do Concello da Pobra do Brollón para apoiar a economía local, xusta e sostible. Ponse en marcha en xuño coincidindo coas dúas feiras do 11 e do 25, que este mes caen en sábado.

A primeira data é este sábado 11 en horario de 11:00 a 14:00 horas. Os postos montaranse na praza da Rúa da Peza, no centro da Pobra do Brollón. Haberá á venda produtos diversos como froita e verdura local, conservas, mel, viño e tamén artesanía e antigüidades.

Ao ser día de feira, haberá postos de polbo así como os habituais postos de roupa e alimentación.