Beatriz Sestayo, asinou co responsable da compañía, Daniel Figueroa, a venda da parcela de 3.000m2, por un importe de 58.500 euros (máis IVE), que permitirá á empresa ampliar as instalacións coas que conta no polígono, donde emprega na actualidade a 16 persoas.

A xerente de Suelo Empresarial del Atlántico lembrou que, tras triplicar as vendas en só dous anos, o polígono de Reboredo roza a plena ocupación, con só tres parcelas dispoñibles. En 2021, o mellor exercicio da historia de “SEA”, chegáronse a adxudicar ata 51.073 metros cadrados, distribuídos en 8 parcelas. A xerente de “SEA” puxo en valor a previsión de creación a curto e medio prazo de emprego no polígono de Monforte, coa implantación de novas empresas e a consolidación doutras, como Oviganic, que van converter esta área industrial nun polo económico fundamental na provincia.

O polígono de Reboredo dispón dunha superficie total de 365.675 metros cadrados de superficie, dos que se destinan a chan neto (o que se comercializa) 275.235 metros cadrados. Entre outras empresas, conta con compañías instaladas como Oviganic, dedicada á comercialización de produtos lácteos infantís ou Queserías Prado, ademais de Lincold Ibérica.