Segundo a orde do día, na asemblea procederase a escoller a Xunta Directiva segundo as candidaturas presentadas, a determinar as mesas de traballo coas que comezar unha liña de actuacións dirixidas ás diferentes áreas polas que vai traballar esta Federación, tales como o Patrimonio e a Lingua, o Territorio, a Participación Cidadá, o Benestar e Igualdade e o Rural Vivo.

Concretaranse as posibles actividades a programar cara o vindeiro 2022-2023, así como a futura participación da Federación nos organismos competentes vinculados coa Ribeira Sacra, entre outros aspectos organizativos.

Posteriormente, haberá un xantar e un roteiro cultural con visita ao miradoiro Pena da Virxe e ao castro e visita á igrexa de Pinol. 

Na actualidade a Federación agrupa a preto de 50 agrupacións e teñen o propósito e desexo de engadir a todos/as cantos/as queiran formar parte para activar o tecido asociativo como parte viva e activa da Ribeira Sacra no seu conxunto desde un sentido integrador no territorio.