Técnicos da Axencia Galega de Desenvolvemento Rural, dependente da Consellería do Medio Rural, trasladaranse o 24 de setembro ás 11:00 horas á Casa da Cultura do Concello de Bóveda para manter unha xuntanza cos veciños e veciñas da localidade.

No encontro explicarase o obxecto do polígono agrario que se prevé impulsar neste municipio ao abeiro da Lei de recuperación da terra agraria de Galicia.

Este polígono porase a andar para darlle base territorial a quen a precise, recuperar terreo agora abandonado e previr incendios forestais.