O sindicato asegura coñecer o proxecto que conta co respaldo da Xunta e do Concello de Monforte “así como a Unión Europea para que chegue a bo porto e fágase realidade canto antes.”
A Secretaria de Acción Sindical pedirá que se nomee Fillo Predilecto de Monforte a Don Luís Díaz Varela, “estamos convencidos que con este capitán á fronte, Don Luís Díaz Varela monfortino, non vai pasar como co Porto Seco ou Pacadar polo que desde o sindicato imos esixir que se lle nomee fillo predilecto do Concello de Monforte o máis axiña posible.”
CCOO considera de vital importancia a implicación de todas as administracións para dinamizar Monforte “e saír deste longo letargo que supuxo a decadencia do sector ferroviario, o peche das cerámicas a Chacinera ou o propio sector do calzado.”
O sindicato considera que con este proxecto relanzarase o polígono do Reboredo e a comarca de Lemos, “tan necesitada de man de obra e especialmente feminina xa que hai máis de 582 mulleres en paro por 378 homes.”
CC OO considera unha gran aposta da Xunta e o Concello con esta multinacional Indukern, “a implantación de Kern Pharma en Monforte é unha lotería para toda a comarca de Lemos.”
